Kapo Basel-Stadt: D Ziircher Schugger hänn halt gärn e grossi Schnuure …
D Ziircher Schugger hänn halt, naimeduure
wie alli Ziircher gärn e grossi Schnuure.
Sie sige jetzt die erschte mit Elektro-Kaare!
wo nur mit Strom Patrouille faare.
Dr Basler Tesla, dä fahrt zwor scho lang am Rhy –
doch als Ziircher kasch halt nit dr Zwaiti sii…
Was solls, mir gönnes euch und fändes glatt
eure Audi kämt als Bsuech zu uns in d Stadt
Ihr deerfet bi uns au ooni z dangge
gratis eure E-Tron tangge.
Genau! Ziircher Elektro-Auto griege bi uns gratis Strom, do dien mir nit spaare
Mir wänn jo sicher sii, dass sie wiider haimefaare.
Sali zämme!
Quelle: Kantonspolizei Basel-Stadt / Facebook
Bildquelle: Kantonspolizei Basel-Stadt
Was ist los im Kanton Basel-Stadt?
Für Zürich
